Ақтөбе облысы прокуратурасының мемлекеттік қызметшілері арасында бос мемлекеттік әкімшілік лауазымға орналасуға ішкі конкурс туралы хабарландыру

Версия для печатиВерсия для печатиPDFPDF
Конкурс түрі: 
Конкурс на занятие вакантных должностей Административного государственного служащего

Ақтөбе облысының прокуратурасы, 030000, Ақтөбе қаласы, Ө. Сеитов к.6, анықтама үшін телефоны:  факс 8(7132) 90-14-58,  e-mail: 7132381@prokuror.kz, Ақтөбе облысы прокуратурасының мемлекеттік қызметшілері арасында мемлекеттік әкімшілік лауазымға орналасуға ішкі конкурс жариялайды:

1.    Ақтөбе облысы прокуратурасы Аппаратының кадрлық дамыту тобының бас маманы, С-О-5 санаты, 1 бірлік.

            Лауазымдық жалақысы еңбек сіңірген жылдарына байланысты 83 353 теңгеден 112 376 теңгеге дейін.

Функционалдық міндеттері: «Қазақстан Республикасы Бас прокуратурасының кадрлар және қауіпсіздік қызметі Басқармасы» (КжҚҚБ) компьютерлік бағдарламасы бойынша облыс прокуратурасы органдарының барлық қызметкерлері мен жұмысшыларының жеке істері мен картотекаларын қалыптастырады; «Қазақстан Республикасының «Сыбайлас жемқорлыққа қарсы іс-қимыл туралы» Заңының, сондай-ақ жалпы өз қызметі саласында жемқорлық көріністер анықталған барлық жағдайлар туралы дереу хабарлау шараларын алуға қатысты бөлігіндегі талаптарының сақталуы мен орындалуын қамтамасыз етеді; облыстық прокуратура органдары қызметкерлерінің еңбек кітапшалары мен қызметтік куәліктерін есепке алу, сақтау және беруді жүзеге асырады; жеке құрам бойынша бұйрықтар мен өкімдердің есебін жүргізіп, тіркейді; бекітілген іс номенклатурасына сәйкес кадрлық дамыту тобының іс қағаздарын және уақытша сақтау мұрағаты үшін жеке және номенклатуралық істерді өңдеу есебін жүргізеді; еңбек өтілін анықтау және лауазымдық айлықақыға үстемақы белгілеу, прокуратура органдарының қызметкерлері мен жұмысшыларына материалдық көмек көрсету комиссиясының қызметін қамтамасыз етеді; іссапарлық куәліктерді ресімдейді, қызметкерлердің қызметтік іссапарларға шығу есебін және прокуратура аппаратының жұмыс мезгілін есепке алу табелін жүргізеді; прокуратура органдарының қызметкерлеріне зейнеткерлікке шығу құқығын беретін қызмет өткеру жылдарын есептеу жұмыстарын жүзеге асырады; штаттағы және штаттан тыс қызметкерлердің штаттық кестелерін әзірлейді; облыс прокуратурасының кадрларымен жұмыс туралы статистикалық есептілікті қалыптастыруды ұйымдастырады; іс жүргізу қызметі қызметкерлерінің біліктіліктерін арттыру бойынша іс-шараларды  өткізеді; іс жүргізу қызметінің қызметкерлерімен оларға жүктелген міндеттердің орындалуын, орындау және еңбек тәртібінің сақталуын бақылайды; «ҚПҮ» белгісі бар құжаттарды, істерді, басылымдарды тіркеуді, есепке алуды жүзеге асырады, олардың сақталуын қамтамасыз етеді; мұрағат және мұрағат қызметі туралы заңнама талаптарына сәйкес, мұрағат, оның ішінде электрондық мұрағат жұмысын қадағалайды; құрылымдық бөлімшелерден құжаттарды қабылдауды, оларды іріктеуді, өңдеуді және мұрағатта сақтауды қамтамасыз етеді; сақтауға берілген істерді және қадағалау өндірістерін қалыптастырады, есебін жүргізеді, жүйелейді; одан әрі сақтауға жаттпайтын құжаттарды жою үшін ресімдейді; «Қадағалау» БАТЖ келіп түскен нормативтік – құқықтық актілерді тіркеуді жүзеге асырады, өзге де атқарымдық міндеттерді жүзеге асырады.

Конкурсқа қатысушыларға қойылатын талаптар:

Білімі мен мамандығы бойынша талаптар:

Жоғары білім: құқық.

Қажетті құзыреттер бойынша талаптар:

стресске орнықтылық, бастамашылдық, жауапкершілік, қызметті тұтынушыға және оны хабарландыруға бағдарлану, адалдық, өздігінен даму, жеделділік, ынтымақтастық және әрекеттестік, қызметті басқару, шешім қабылдау, көшбасшылық, стратегиялық ойлану, өзгерістерді басқару.

Жұмыс тәжірибесі бойынша талаптар:

жұмыс тәжірибесі талап етілмейді.

Конкурсқа қатысу үшін қажетті құжаттар:

1)   «Б» корпусының әкімшілік мемлекеттік лауазымына орналасуға конкурс өткізу Қағидалардың 2-қосымшасына сәйкес нысандағы өтініш;

2)   тиісті персоналды басқару қызметімен  құжаттарды тапсыру күніне дейін күнтізбелік 30 күн ішінде расталған қызметтік тізім.

Құжаттардың толық емес пакетін немесе дәйексіз мәліметтерді ұсыну  конкурс комиссиясының оларды қараудан бас тартуы үшін негіз болып табылады.

Азаматтар бiлiмiне, жұмыс тәжiрибесiне, кәсiби деңгейіне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.

Конкурсқа қатысуға ниет білдірген азаматтар конкурс өткізетін мемлекеттік органға құжаттарын электронды түрде «Е-қызмет» интегралды ақпараттық жүйесі не «Е-gov» электронды Үкімет порталы арқылы не хабарландыруда көрсетілген электрондық почта мекенжайына құжаттарды қабылдау мерзімінде тапсырады.

Құжаттар электронды түрде мемлекеттік органның электрондық почтасы не «Е-gov» электрондық үкімет порталы немесе «е-қызмет» интегралды ақпараттық жүйесі арқылы берілген жағдайда олардың түпнұсқасы әңгімелесу басталғанға дейін бір сағаттан кешіктірмей беріледі.

Оларды бермеген жағдайда тұлға конкурс комиссиясымен әңгімелесуден өтуге жіберілмейді.

            Құжаттар конкурс өткiзу туралы хабарландыру соңғы жарияланғаннан күннен кейін келесі жұмыс күнінен бастап 3 жұмыс күннің ішінде тапсырылуы тиіс.

Конкурсқа қатысатын және әңгімелесуге жіберілген кандидаттар оны әңгімелесуге кандидаттарды жіберу туралы оларды хабардар еткен күннен бастап үш жұмыс күн ішінде Ақтөбе облысының прокуратурасында өтеді.

Бұл ретте, әңгімелесуге жіберілген кандидаттар конкурстық комиссия шешім қабылдаған күннен бастап бір жұмыс күн ішінде және әңгімелесу өткізуге дейін бір жұмыс күннен кешіктірмей әңгімелесу өткізу күні туралы хабарланады. Хабарландыру қатысушылардың электрондық мекенжайларына және ұялы телефондарына ақпарат жіберу жолымен жүзеге асырылады.

Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар шақырылады.

Конкурс комиссиясының отырысына байқаушылар ретінде Қазақстан Республикасы Парламентінің және барлық деңгейдегі мәслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, мемлекеттік қызмет істері жөніндегі уәкілетті органның қызметкерлері қатыса алады.

Байқаушылар әңгімелесу процесінде кандидаттарға сұрақтар қоймайды. Байқаушыларға конкурс комиссиясының жұмысына кедергі келтіретін іс-әрекеттер жасауға, кандидаттардың жеке басы деректеріне қатысты мәліметтерді жариялауға, кандидаттар қатысатын конкурс рәсімдерінде олардың техникалық жазба құралдарын қолдануға жол берілмейді.

Байқаушы ретінде конкурс комиссиясының отырысына қатысу үшін тұлға әңгімелесу басталғанға дейін бір жұмыс күнінен кешіктірмей персоналды басқару қызметіне (кадр қызметіне) тіркеледі. Тіркелу үшін тұлғалар персоналды басқару қызметіне (кадр қызметіне) жеке басын куәландыратын құжаттың көшірмесін немесе электрондық көшірмесін, Қағидалардың 26-тармағында көрсетілген  ұйымдарға тиесілілігін растайтын құжаттардың көшірмелерін немесе электрондық көшірмелерін ұсынады. 

Конкурсқа қатысушылар мен кандидаттар ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаментіне Әбілқайыр хан даңғылы 40 (анықтама телефоны: 54-56-57) мекен-жайы бойынша, не Қазақстан Республикасының заңнамасына сәйкес сот тәртiбiнде конкурс комиссиясының шешiмiне шағымдана алады.

Конкурс комиссиясының шешімі қабылданған күннен бастап бес жұмыс күннен  кешіктірмей уәкiлеттi органға немесе оның аумақтық бөлiмшесiне конкурс комиссиясының шешіміне шағым беру, уәкiлеттi органның немесе оның аумақтық бөлiмшесiнiң келіп түскен шағым бойынша тиісті шешім қабылдауына дейін конкурс комиссиясының шешімінің қолданылуын тоқтата тұруға негіз болып табылады.